ನಮ್ಮ ಬೋಲ್ತೇರ್
ಬೆಳ್ತಂಗಡಿನ್ ಬೋಲ್ತೇರ್ ಪನ್ನಗ ತೆಲಿಪುನಕ್ಲ್ ಪುದರ್ ದಾ ಬಗೆಟ್ ಇಪ್ಪಿನ ನಿಜವಾಯಿನ ಅರ್ಥನ್ ತೆರಿಯೊನಿ ಇತ್ತೆದ ಹೆಚ್ಚಿನಕ್ಲೆಗ್ ಬೋಲ್ತೇರ್ ಪಂಡಾ ದಾದಾ ಪಂದ್ ಕೇನುವೆರ್ ಅವ್ವು ಒಲ್ಪ ಉಂಡು ಪಂದ್ ಕೇನುವೆರ್.. ಅವ್ವೆ ಊರುದ ಒಂಜಿ 70-80 ದಾಟುದಿನಕ್ಲೆಡ ಕೇನ್ಲೆಗೆ ಅಕ್ಲ್ ಒರತಾ ಮಟ್ಟುಗ್ ಬೆಳ್ತಂಗಡಿ ಪಂಡಾ ಕೆಪ್ಪುಮುಪ್ಪು ಆವೇರ್ ಆಂಡಾ ಬೋಲ್ತೇರ್ ಪಂಡಾ ಅಕ್ಲೆಗ್ ಅವ್ವ್ ದಾದಾ ಪಂದ್ ಅಕ್ಲೆಗ್ ಪನೋಡ್ ಪಂದೆ ಇಜ್ಜಿ... ಅಂದ್ ದುಂಬುದಕ್ಲ್ ಆ ಊರುನ್ ಲೆತ್ತೊಂದು ಇತ್ತಿನಾ ಬೋಲ್ತೇರ್ ಪಂದ್.. ಇತ್ತೆಲಾ ಹಿರಿಯಾಕ್ಲ್ ಲೆಪ್ಪಿನ ಬೋಲ್ತೇರ್ ಪಂದೆ.. ಅಪಾಂಡಾ ಬೋಲ್ತೇರ್ ಪಂದ್ ಅಕ್ಲ್ ದಾಯೆ ಲೆತ್ತೊಂದು ಇತ್ತೆರ್.. ಐಕ್ ಲಾ ಒಂಜಿ ಹಿನ್ನೆಲೆ ಉಂಡು ಬೋಲ್ತೇರ್ದಾ ಆರಾಧ್ಯ ದೈವವಾಯಿನ ಕುತ್ಯಾರ್ ದೇವೆರೆನ ತೇರ್ ಗ್ ಒವ್ವೆ ರೀತಿದ ಅಲಂಕಾರ ಇಜ್ಜಂದೆ ಅಂಚೆನೇ ತೇರ್ ಗ್ ಮುಗುಳಿ ಇಜ್ಜಂದೆ ಐತಾ ಜಾತ್ರೆ ಆವೊಂದು ಇತ್ತುಂಡುಗೆ, ಆ ಕಾರಣರ್ದ್ ಅಲಂಕಾರ ಇಜ್ಜಂದಿ ತೇರ್ ಪಂಡಾ ಬೋಲ್ ತೇರ್ ದಾ ಜಾತ್ರೆ ಆಪಿನ ಜಾಗೆನ್ ಬೋಲ್ತೇರ್ ಪಂದ್ ಲೆತ್ತೊಂದು ಇತ್ತೆರ್. ಇತ್ತೆಲಾ ಆ ಜಾಗೆಡ್ ತೇರ್ ದ ಜಾತ್ರೆ ನಡಪುಂಡು. ಇತ್ತೆಲಾ ತೇರ್ ಬೋಲ್ತೇರ್ ದ ಸಂತೆಕಟ್ಟೆಡ್ ಇಪ್ಪುಂಡು. ಆ ದೇವಸ್ಥಾನ ಇತ್ತೆಲಾ ಬೋಲ್ತೇರ್ ಭಾಗದಕ್ಲ್ ಮಸ್ತ್ ನಂಬಿಕೆ ದೀದ್ ಇಪ್ಪುನ ದೇವಸ್ಥಾನ. ಪ್ರತಿ ಊರುದ ಲೆಕನೇ ಬೋಲ್ತೇರ್ ಗ್ ಲಾ ಪುದರ್ ಬರ್ರ ದೇವಸ್ಥಾನನೆ ಕಾರಣ ಆದ್ ಇತ್ತುಂಡ್. ಅಪಾಂಡ ಬೆಳ್ತಂಗಡಿ ಪಂದ್ ಪುದರ್ ಎಂಚ ಬತ್ತುಂಡ್.. ದುಂಬು ಘಟ್ಟರ್ದ್ ಬೆಲ್ಲ ವ್ಯಾಪಾರ ಮಲ್ಪಿನಕ್ಲ್ ತುಳುನಾಡ್ ಗ್ ಬನ್ನಗ ಸುರುಕ್ ತಿಕ್ಕೆದಿನಾ ಒಂತೆ ಮಲ್ಲ ಮಟ್ಟದ ಜಾಗೆ ಪಂಡಾ ಅವ್ವ್ ಬೋಲ್ತೇರ್. ಅಕ್ಲ್ ಬೋಲ್ತೇರ್ ಡ್ ಬೆಲ್ಲನ್ ಶೇಖರಣೆ ಮಲ್ತುದ್ ಅಲ್ಪ ಉಂತೊಂದು ಇತ್ತೆರ್. ಬೊಕ್ಕ ಅಲ್ಪಾರ್ದ್ ಬೇತೆ ಕಡೆಕ್ ಪಟ್ಟೊಂದು ಇತ್ತೆರ್. ಆ ವ್ಯಾಪಾರದಕ್ಲೆಗ್ ಬೋಲ್ತೇರ್ ಬೆಲ್ಲ ಪಟ್ಟುನ ಜಾಗೆ ಆದ್ ಇತ್ತುಂಡ್ ಅಂಚ ಆ ಜಾಗೆಗ್ ಅಕ್ಲೆನ ಗುರ್ತುಗ್ ಬೆಲ್ಲ ಮಾರುನ ಅಂಗಡಿ ಪಂಡಾ ಬೆಲ್ಲದ ಅಂಗಡಿ ಪಂದ್ ಪುದರ್ ದೀಯೆರ್. ಬೊಕ್ಕ ಅವ್ವೆ ಪುದರ್ ಬೋಲ್ತೇರ್ ನ್ ಬೋಲ್ತೇರ್ ದಾ ಅಂಚಿದಕ್ಲೆಗ್ ಬೆಲ್ಲದ ಅಂಗಡಿ ಪಂದ್ ಗುರ್ತ ಪತ್ತುಲೆಕ ಮಲ್ಪುಂಡು. ಅಂಚಾದ್ ಆ ಊರುದ ಜನಕ್ಲ್ ದೀದ್ ಇತ್ತಿನಾ ಬೋಲ್ತೇರ್ ಪುದರ್ ವ್ಯಾಪಾರದಕ್ಲೆನ ದಿಸೆರ್ದ್ ಬೆಲ್ಲದಂಗಡಿ ಪಂದ್ ಪುದರ್ ಆಂಡ್. ದೇವೆರೆನ ಹಿನ್ನೆಲೆ ಇತ್ತಿನಾ ತುಳುವೆರೇ ದೀದ್ ಇತ್ತಿನಾ ಬೋಲ್ತೇರ್ ಪುದರ್ ಮಾಜಿದ್ ಬೆಳ್ತಂಗಡಿ ಆಂಡ್. ಇತ್ತೇ ಕೆಲವೆರ್ ದುಂಬುದ ಪುದರ್ ಒವ್ವ್ ಪಂಡಾ ನಮ್ಮ ಹಿರಿಯಾಕ್ಲ್ ದೀತಿನ ಬೋಲ್ತೇರ್ ಪುದರ್ ಬುಡುದ್ ಘಟ್ಟದ ವ್ಯಾಪಾರದಕ್ಲ್ ದೀತಿನ ಬೆಲ್ಲದ ಅಂಗಡಿ ಪನ್ಪೇರ್. ಇತ್ತೇ ಬೋಲ್ತೇರ್ ಪಂಡಾ ತೆಲಿಪುನಕ್ಲ್, ಬೋಲ್ತೇರ್ ಪಂಡಾ ಒಂತರ ಮಲ್ಪುನಕ್ಲ್ ಈ ವಿಸಯೊನು ತೆರಿಯೊನೊಡ್. ಜೈ ಬೋಲ್ತೇರ್.. ಜೈ ತುಳುನಾಡ್... #chalpat #tinku #ponkre
Comments
Post a Comment